وزیرِ اعظم کے معاون خصوصی برائے صحت ڈاکٹر فیصل سلطان نے پیر کو اسلام آباد میں صحافیوں کو بریفنگ دیتے ہوئے خبردار کیا کہ ملک میں کرونا وائرس کی نئی اور خطرناک قسم ڈیلٹا وائرس کے اثرات سامنے آ رہے ہیں۔
وزیرِ اعظم پاکستان کے مشیر برائے قومی سلامتی معید یوسف نے کہا ہے کہ اگر افغانستان میں صورتِ حال خراب ہوئی تو اس مرتبہ پاکستان افغان پناہ گزینوں کو قبول کرنے کی پوزیشن میں نہیں ہے۔ ان کا بندوبست بین الاقوامی قوتوں کو افغانستان کے اندر ہی کرنا ہو گا۔
معید یوسف کہتے ہیں پاکستان نے بارہا یہ کہا ہے کہ افغانستان سے غیر ملکی فوجیوں کا انخلا ذمہ دارانہ ہونا چاہیے لیکن امریکہ کا افغانوں کے درمیان کسی سمجھوتے کے بغیر جانا غیر ذمہ دارانہ عمل ہے۔
پاکستان کی حکومت و عسکری حکام کا اندازہ ہے کہ ہمسایہ ملک میں شورش میں اضافے یا خانہ جنگی کے نتیجے میں پانچ سے سات لاکھ پناہ گزین پاکستان آ سکتے ہیں۔
قومی سلامتی کا اجلاس حزبِ اختلاف کی قیادت کے مطالبے پر طلب کیا گیا تھا۔ اجلاس میں افغانستان سے اتحادی افواج کے انخلا اور اس کے پاکستان پر اثرات کا جائزہ لیا گیا۔
اسپیکر اسد قیصر کی سربراہی میں سیاسی قائدین کا یہ بند کمرہ اجلاس یکم جولائی کو پارلیمنٹ ہاؤس میں منعقد ہو گا۔ اس اجلاس میں سیاسی جماعتوں کے قائدین اور کمیٹی کے رکن وفاقی وزراء شریک ہوں گے۔
جمعہ کو ایف اے ٹی ایف نے پیرس میں منعقدہ اپنے پانچ روزہ اجلاس کے اختتام پر پاکستان کو گرے لسٹ یعنی نگرانی کی فہرست میں برقرار رکھنے کا فیصلہ کیا تھا۔
ایف اے ٹی ایف کے صدر نے پاکستان کے قانونی نظام میں بہتری لانے کے اقدامات کو سراہا، مگر ان کا کہنا تھا اس کے باوجود پاکستان عالمی سطح پر ایف اے ٹی ایف کے معیار پر پورا نہیں اتر پایا ہے۔
ڈیجیٹل رائٹس کے لیے کام کرنے والے شہزاد احمد کہتے ہیں کہ ٹک ٹاک کے ساتھ حکومت و عدالت کی جانب سے روا رکھے گئے اس سارے عمل سے وہ مطمئن نہیں کیوں کہ اسی طریقے سے فیس بک اور ٹوئٹر کو بھی پابندیوں کہ زد میں لایا جائے گا جو کہ شخصی آزادیوں کو محدود کرے گا۔
سینیٹر لنزی گراہم نے منگل کو اپنی ٹوئٹس میں امریکی صدر جو بائیڈن کی جانب سے وزیرِ اعظم عمران خان سے رابطہ کرنے میں ہچکچاہٹ کو 'حیرت انگیز' قرار دیتے ہوئے خبردار کیا کہ افغانستان سے انخلا کرتے ہوئے پاکستان کو نظر انداز کرنے کا نتیجہ تباہی کی صورت میں نکل سکتا ہے۔
ماہرِمعیشت ڈاکٹر اکرام الحق کہتے ہیں کہ مؤخر ادائیگیوں پرتیل کے حصول سے کرنٹ اکاؤنٹ خسارے کو کم رکھنے میں وقتی طور پر مدد ملے گی لیکن اس سے تیل کی قیمت یا ٹیکس کی وصولی پر کوئی اثر نہیں ہو گا
مبصرین کے مطابق پاکستان نے ایف اے ٹی ایف کی گرے لسٹ سے نکلنے کے لیے خاطر خواہ سفارت کاری کے بجائے امریکہ اور چین پر زیادہ انحصار کیا ہے
بلوچستان کے وزیرِ داخلہ کے مطابق ایران کے ساتھ سرحد پر سیکیورٹی فورسز مستعد ہے اور پاکستان کی طرف سے سرحد بالکل محفوظ ہے۔ وفاقی حکومت نے ایک خط کے ذریعے بلوچستان حکومت کو ایران کے صدارتی انتخابات کے موقعے پر سرحد پر امن و امان کے بہتر انتظامات کرنے کے ہدایت کی تھی۔
پاکستان کے معاشی سروے کے اعداد و شمار کے مطابق گزشتہ سال کرونا وائرس کی خطرناک صورت حال اور عالمی پابندیوں کے باوجود 2لاکھ 24 ہزار پاکستانیوں کو بیرون ملک روزگار ملا۔
عمران خان نے کہا کہ انہوں نے کینیڈا کے وزیرِ اعظم جسٹن ٹروڈو کے ساتھ اس معاملے پر گفتگو کی ہے اور انہیں اس مسئلے کی اہمیت اور سنگینی کا احساس ہے۔
بجٹ سیشن میں اپوزیشن کے ڈیسک بجانے سے پریشان شوکت ترین کی الجھن کو کم کرنے کے لیے ساتھی وزیر شفقت محمود نے انہیں کانوں میں ہیڈ فون لگانے کا مشورہ دیا۔ تو وزیرِ خزانہ کے لیے تقریر کرنے میں کچھ آسانی ہوئی۔ البتہ بجٹ تقریر میں شامل اردو کے مشکل الفاظ نے انہیں اختتام تک پریشان رکھا۔
پاکستان تحریک انصاف (پی ٹی آئی) کی حکومت کا یہ تیسرا بجٹ ہے جو قومی اسمبلی میں جمعے کو منظوری کے لیے پیش کیا جا رہا ہے۔ وزیرِ خزانہ شوکت ترین کابینہ سے منظوری کے بعد بجٹ پہلے قومی اسمبلی میں پیش کریں گے بعد ازاں یہ سینیٹ میں جائے گا۔
وزیر خزانہ کے مطابق ترسیلات زر پاکستان کی معیشت کے لیے بڑا سہارا ثابت ہوئے جو کہ ریکارڈ 26 ارب ڈالر سے تجاوز کر چکی ہیں اور رواں مالی سال کے اختتام پر 29 ارب ڈالر تک پہنچنے کا اندازہ ہے۔
اقوام متحدہ کے اعداد و شمار کے مطابق چاول کی بین الاقوامی برآمد سے بھارت کو سالانہ 6.8 ارب ڈالر حاصل ہوتے ہیں جب کہ پاکستان اس مد میں سالانہ 2.2 ارب ڈالر کماتا ہے۔
وزیر اعلیٰ سندھ مراد علی شاہ اور صوبائی کابینہ کے رکن نثار کھوڑو نے 'این ای سی' کے منظور کردہ بجٹ اہداف میں اُں کے بقول سندھ کو نظر انداز کیے جانے پر اعتراض اٹھاتے ہوئے این ای سی کی کارروائی پر اختلافی نوٹ بھیجنے کا فیصلہ کیا ہے۔
مزید لوڈ کریں
